«Lokomotiv»ning hujumkor yarim himoyachisi Aleksey Batrakov tez orada «PSJ» libosini kiyishi mumkin.

«Mash na sporte» telegram kanali tarqatgan ma’lumotlarga ko‘ra, Batrakovning vakillari «PSJ» rahbariyati bilan muloqotni boshlashgan. Hozirda kelishuv tafsilotlari muhokama qilinmoqda. Agar hammasi ko‘ngildagidek kechsa, 20 yoshli futbolchi Jahon chempionati startiga qadar Matvey Safonovning jamoadoshiga aylanadi.

Ta’kidlanishicha, Batrakov «Galatasaroy»ning o‘ta serdaromad taklifini (yiliga 4,5 million yevro + 5 million yevro imzo bonusi) rad etgan. Futbolchining ustuvor maqsadi — Yevropaning kuchli beshlik ligalaridan birida to‘p surish. «PSJ» bilan olib borilayotgan muzokaralar yangi bosqichga ko‘tarildi. «Transfermarkt» portali Aleksey Batrakovni 28 million yevroga baholamoqda.