«Локомотив»нинг ҳужумкор ярим ҳимоячиси Алексей Батраков тез орада «ПСЖ» либосини кийиши мумкин.

«Mash на спорте» телеграм канали тарқатган маълумотларга кўра, Батраковнинг вакиллари «ПСЖ» раҳбарияти билан мулоқотни бошлашган. Ҳозирда келишув тафсилотлари муҳокама қилинмоқда. Агар ҳаммаси кўнгилдагидек кечса, 20 ёшли футболчи Жаҳон чемпионати стартига қадар Матвей Сафоновнинг жамоадошига айланади.

Таъкидланишича, Батраков «Галатасарой»нинг ўта сердаромад таклифини (йилига 4,5 миллион евро + 5 миллион евро имзо бонуси) рад этган. Футболчининг устувор мақсади — Европанинг кучли бешлик лигаларидан бирида тўп суриш. «ПСЖ» билан олиб борилаётган музокаралар янги босқичга кўтарилди. «Transfermarkt» портали Алексей Батраковни 28 миллион еврога баҳоламоқда.