«Milan»ning sobiq bosh murabbiyi, nufuzli italiyalik mutaxassis Fabio Kapello klub uchun mavsum yakuni omadsiz bo‘lgani haqida fikr bildirdi. U mavsum oxiridagi pasayish sabablari mavhum qolayotganidan xavotirda.
«Eng achinarlisi — hech kim bunday muvaffaqiyatsizlik sababini tushunmayapti. Nima uchun dastlabki 25 ta o‘yinda klub faqat bir marta mag‘lub bo‘ldi-yu, so‘nggi 13 ta uchrashuvda yetti bor imkoniyatni boy berdi? Hammani ishdan bo‘shatishdan oldin, buning sababini anglab olish kerak», — deydi Kapello.
Eslatib o‘tamiz, «Milan» so‘nggi tur oldidan turnir jadvalida uchinchi o‘rinni egallab turgan edi, biroq mag‘lubiyat tufayli beshinchi o‘ringa tushib ketdi.
