«Милан»нинг собиқ бош мураббийи, нуфузли италиялик мутахассис Фабио Капелло клуб учун мавсум якуни омадсиз бўлгани ҳақида фикр билдирди. У мавсум охиридаги пасайиш сабаблари мавҳум қолаётганидан хавотирда.

«Энг ачинарлиси — ҳеч ким бундай муваффақиятсизлик сабабини тушунмаяпти. Нима учун дастлабки 25 та ўйинда клуб фақат бир марта мағлуб бўлди-ю, сўнгги 13 та учрашувда етти бор имкониятни бой берди? Ҳаммани ишдан бўшатишдан олдин, бунинг сабабини англаб олиш керак», — дейди Капелло.

Эслатиб ўтамиз, «Милан» сўнгги тур олдидан турнир жадвалида учинчи ўринни эгаллаб турган эди, бироқ мағлубият туфайли бешинчи ўринга тушиб кетди.