"Arsenal" hujumkor yarim himoyachisi Bukayo Saka Mikel Artetaning jamoa bosh murabbiyi sifatidagi ishi haqida o‘z fikrlari bilan o‘rtoqlashdi.
"Olti yarim yil oldin Mikel Arteta uning missiyasi "Arsenal"ni o‘z munosib o‘rniga qaytarish ekanini aniq aytgandi. Men bunga erishganimizdan faxrlanaman", – deya Sakaning matbuot anjumanidagi so‘zlarini keltiradi "The Touchline".
Ma’lumki, "Arsenal" joriy mavsumda 22 yil ichida ilk bor Angliya chempioni bo‘ldi. Shuningdek, "kanonirlar" Chempionlar ligasi finaliga qadar yetib borishdi va endi "PSJ"ga qarshi to‘qnashuvga tayyorgarlik ko‘rishmoqda. "PSJ" va "Arsenal" o‘rtasidagi uchrashuv 30 may kuni Toshkent vaqti bilan soat 21:00 da boshlanadi.
