"Leypsig" klubi Yan Diomandeni arzonga sotmoqchi emas.
ESPN nashrining xabar berishicha, futbolchining boshlang‘ich narxi 130 million yevroni tashkil etadi. Muzokaralarni boshlash uchun aynan shu summaga yaqin taklif kerak bo‘ladi. Nemis klubining 19 yoshli vingerni sotishga hech qanday shoshilinch ehtiyoji yo‘q, shuning uchun ular boshqa shartlarga rozi bo‘lmaslik huquqiga ega.
Bir yil oldin ivuarlik futbolchi "Leganes"dan 20 million yevro evaziga sotib olingan edi. Ushbu mavsumda u Bundesliganing 33 ta turida 12 ta gol urdi va 8 ta golli uzatmani amalga oshirdi.
Avvalroq, Yanni o‘z safiga qo‘shib olishga "PSJ" va "Liverpul" jamoalari qiziqish bildirayotgani xabar qilingandi.
