"Лейпциг" клуби Ян Диомандени арзонга сотмоқчи эмас.
ESPN нашрининг хабар беришича, футболчининг бошланғич нархи 130 миллион еврони ташкил этади. Музокараларни бошлаш учун айнан шу суммага яқин таклиф керак бўлади. Немис клубининг 19 ёшли вингерни сотишга ҳеч қандай шошилинч эҳтиёжи йўқ, шунинг учун улар бошқа шартларга рози бўлмаслик ҳуқуқига эга.
Бир йил олдин ивуарлик футболчи "Леганес"дан 20 миллион евро эвазига сотиб олинган эди. Ушбу мавсумда у Бундеслиганинг 33 та турида 12 та гол урди ва 8 та голли узатмани амалга оширди.
Аввалроқ, Янни ўз сафига қўшиб олишга "ПСЖ" ва "Ливерпуль" жамоалари қизиқиш билдираётгани хабар қилинганди.
