«Milan» yarim himoyachisi Luka Modrich 2025/2026 yilgi mavsum yakuniga bag‘ishlangan post e’lon qildi. «Rossonerilar» mavsum so‘ngini muvaffaqiyatsiz o‘tkazishdi va so‘nggi daqiqalarda Chempionlar ligasi yo‘llanmasidan mosuvo bo‘lib, A Seriyada beshinchi o‘rinni egallashdi.

«Bu mavsumda ham ajoyib, ham qiyin damlar bo‘ldi, ammo yakunda biz achchiq haqiqatni qabul qilishga va hammasi biz istagandek yakunlanmaganini tan olishga majburmiz. «Milan» muxlislariga butun yil davomida menga ko‘rsatgan iliqlik, hurmat va ulkan qo‘llab-quvvatlashlari uchun chin dildan minnatdorchilik bildirmoqchiman. Forza Milan», — deb yozdi 40 yoshli xorvatiyalik futbolchi ijtimoiy tarmoqlarda.

Eslatib o‘tamiz, Luka Modrich o‘tgan yozda Madridning «Real» klubidan «Milan»ga o‘tgan edi. Futbolchining amaldagi shartnomasi bir oydan so‘ng o‘z nihoyasiga yetadi. Mish-mishlarga ko‘ra, afsonaviy faxriy futbolchi Jahon chempionatidan so‘ng faoliyatini yakunlashi mumkin.