Vinger Entoni Gordon rasman «Barselona» safiga o‘tdi. Klub matbuot xizmati xabar berishicha, angliyalik futbolchi «ko‘k-anorranglilar» bilan 2031 yilning o‘rtalarigacha mo‘ljallangan shartnoma imzoladi.

Transfer qiymati bonus to‘lovlarini hisobga olmaganda 80 million yevroni tashkil etdi.

Kelishuv e’lon qilinganidan so‘ng, Gordon ispan tilini bilishini namoyish etib muxlislarni xursand qildi, ammo bu bilan cheklanib qolmadi. Jurnalist Karlos Monforning so‘zlariga ko‘ra, biroz o‘tib futbolchi katalon tilida ham gapirdi: «Men juda baxtiyorman», — dedi Angliya terma jamoasi a’zosi.

Eslatib o‘tamiz, Gordon «Barselona»ga «Nyukasl» klubidan o‘tdi. U o‘z vatanida hujum chizig‘ining deyarli barcha pozisiyalarida harakat qilgan bo‘lsa-da, asosan chap qanotda o‘ynashga odatlangan.