Вингер Энтони Гордон расман «Барселона» сафига ўтди. Клуб матбуот хизмати хабар беришича, англиялик футболчи «кўк-анорранглилар» билан 2031 йилнинг ўрталаригача мўлжалланган шартнома имзолади.

Трансфер қиймати бонус тўловларини ҳисобга олмаганда 80 миллион еврони ташкил этди.

Келишув эълон қилинганидан сўнг, Гордон испан тилини билишини намойиш этиб мухлисларни хурсанд қилди, аммо бу билан чекланиб қолмади. Журналист Карлос Монфорнинг сўзларига кўра, бироз ўтиб футболчи каталон тилида ҳам гапирди: «Мен жуда бахтиёрман», — деди Англия терма жамоаси аъзоси.

Эслатиб ўтамиз, Гордон «Барселона»га «Ньюкасл» клубидан ўтди. У ўз ватанида ҳужум чизиғининг деярли барча позицияларида ҳаракат қилган бўлса-да, асосан чап қанотда ўйнашга одатланган.