Bugun, 30 may kuni 2025/2026 yilgi mavsum Chempionlar ligasi finali bo‘lib o‘tadi. Unda Fransiyaning «PSJ» klubi Angliyaning «Arsenal» jamoasi bilan bahs olib boradi. Uchrashuv Budapeshtdagi «Pushkash Arena» stadionida bo‘lib o‘tadi va Toshkent vaqti bilan soat 21:00 da boshlanadi.
O‘yinni germaniyalik bosh hakam Daniel Zibert boshqarib boradi. Unga qanotlarda Yan Zaydel va Rafael Foltin yordam beradi. Zaxira hakami sifatida Sandro Sherer tayinlandi.
Musobaqaning yarim finalida «PSJ» ikki o‘yin natijasiga ko‘ra «Bavariya»ni 6:5 hisobida mag‘lub etgan bo‘lsa, «Arsenal» «Atletiko»ni 2:1 hisobida taslim etdi.
Ta’kidlash joizki, «PSJ» amaldagi chempion hisoblanadi. O‘tgan yilgi finalda parijliklar «Inter»ni 5:0 hisobida tor-mor etgandi.
