«PSJ»ning sobiq posboni Jerom Alonso Parij jamoasining rossiyalik darvozaboni Matvey Safonovning jasorati haqida gapirdi.

«Uni ko‘p narsada tanqid qilish mumkin, lekin qo‘rqoqlikda emas. Safonov havodagi kurashlarda iqtidordan ko‘ra ko‘proq jasoratga tayanishini tushunadi, shuning uchun mushtlarini oldinga chiqarib, mardonavor oldinga intiladi. U kitoblarda uchramaydigan darvozabonlik maktabi vakili, uning uslubi ko‘proq improvizasiyaga asoslangan. Futbolchilar unga ishonishadi. Bugungi kunda Safonov — qo‘rqmas darvozabon», — deya Alonsoning so‘zlarini keltiradi L'Équipe.

Joriy mavsumda Safonov barcha turnirlarda 26 ta o‘yinda ishtirok etdi va ularning 12 tasida o‘z darvozasi daxlsizligini saqlab qoldi. Futbolchining klub bilan amaldagi shartnomasi 2029 yilning yoziga qadar mo‘ljallangan. Transfermarkt portali ma’lumotlariga ko‘ra, uning bozor qiymati 22 million yevroni tashkil etadi.