Braziliya terma jamoasi bosh murabbiyi Karlo Anchelotti hujumchi Neymarning jarohati yuzasidan o‘z fikrini bildirdi. Yaqinda yulduz futbolchi jarohat olgan edi, biroq ungacha Neymar «selesao»ning Jahon chempionati uchun yakuniy tarkibiga kiritilgandi.
— Biz Neymar Jahon chempionatidagi Marokashga qarshi birinchi o‘yinga tayyor bo‘lishini kutmoqdamiz. Agar u tayyor bo‘lmasa, ikkinchi o‘yinni kutamiz. Biz tarkibdagi hech kimni almashtirmaymiz, — dedi murabbiy.
Jurnalistning: «Agar Neymar jarohat olganini oldindan bilganingizda, uni Jahon chempionatiga chaqirgan bo‘larmidingiz?» — degan savoliga Anchelotti o‘ziga xos tarzda javob qaytardi:
— Agar bobomning g‘ildiraklari bo‘lganida, u avtomobil bo‘lardi.
Braziliya terma jamoasi 2026 yilgi Jahon chempionatidagi ilk uchrashuvini 14 iyun kuni Marokash terma jamoasiga qarshi o‘tkazadi.
