«Arsenal» sardori Martin Edegor Chempionlar ligasi finalida «PSJ»dan qabul qilingan mag‘lubiyatdan so‘ng o‘z fikrlarini bildirdi. Parijliklar o‘yindan keyingi penaltilar seriyasida ustun kelishdi.
«Hammaning hafsalasi juda pir bo‘ldi. G‘alabaga shunchalik yaqin kelganingda, mag‘lubiyat bilan kelishish ayniqsa og‘ir bo‘larkan. Shu bilan birga, biz bu mavsumda nimalarga erishganimizni tushunib turibmiz. Biz ajoyib ishni amalga oshirdik va bugun yanada kattaroq muvaffaqiyatga erishishga juda yaqin edik. Shu bois vaziyatga kengroq qarashimiz va nafaqat bugungi natijani, balki ushbu mavsumdagi barcha ijobiy jihatlarni yodda tutishimiz kerak», — deya futbolchining so‘zlarini keltiradi TNT Sports.
