«Арсенал» сардори Мартин Эдегор Чемпионлар лигаси финалида «ПСЖ»дан қабул қилинган мағлубиятдан сўнг ўз фикрларини билдирди. Парижликлар ўйиндан кейинги пенальтилар сериясида устун келишди.
«Ҳамманинг ҳафсаласи жуда пир бўлди. Ғалабага шунчалик яқин келганингда, мағлубият билан келишиш айниқса оғир бўларкан. Шу билан бирга, биз бу мавсумда нималарга эришганимизни тушуниб турибмиз. Биз ажойиб ишни амалга оширдик ва бугун янада каттароқ муваффақиятга эришишга жуда яқин эдик. Шу боис вазиятга кенгроқ қарашимиз ва нафақат бугунги натижани, балки ушбу мавсумдаги барча ижобий жиҳатларни ёдда тутишимиз керак», — дея футболчининг сўзларини келтиради TNT Sports.
