Luis Enrike «Pari Sen-Jermen»ni ketma-ket ikkinchi mavsumda Chempionlar ligasi g‘olibligiga olib keldi. Finalda parijliklar «Arsenal»ni penaltilar seriyasida taslim etishdi.

«PSJ» matbuot xizmati xabariga ko‘ra, Enrike qo‘l ostida jamoa jami 12 ta sovrinni qo‘lga kiritgan – bu klubda ishlagan barcha murabbiylar orasidagi rekord ko‘rsatkichdir. Ispaniyalik mutaxassis ushbu natijaga atigi uch yil ichida erishdi.

Bungacha Luis Enrike boshchiligida poytaxt grandi uch marta Fransiya chempionati (Liga 1) va Fransiya Superkubogida g‘olib chiqqan (mamlakat Kubogi esa ikki marta yutilgan). Xalqaro maydonda esa, ikkita Chempionlar ligasi kubogidan tashqari, «PSJ» bir martadan UYEFA Superkubogi va Qit’alararo kubokni qo‘lga kiritgan.