Луис Энрике «Пари Сен-Жермен»ни кетма-кет иккинчи мавсумда Чемпионлар лигаси ғолиблигига олиб келди. Финалда парижликлар «Арсенал»ни пенальтилар сериясида таслим этишди.
«ПСЖ» матбуот хизмати хабарига кўра, Энрике қўл остида жамоа жами 12 та совринни қўлга киритган – бу клубда ишлаган барча мураббийлар орасидаги рекорд кўрсаткичдир. Испаниялик мутахассис ушбу натижага атиги уч йил ичида эришди.
Бунгача Луис Энрике бошчилигида пойтахт гранди уч марта Франция чемпионати (Лига 1) ва Франция Суперкубогида ғолиб чиққан (мамлакат Кубоги эса икки марта ютилган). Халқаро майдонда эса, иккита Чемпионлар лигаси кубогидан ташқари, «ПСЖ» бир мартадан УЕФА Суперкубоги ва Қитъалараро кубокни қўлга киритган.
