«PSJ» sardori Markinyos o‘tgan yilgi va joriy yilgi Chempionlar ligasidagi g‘alabalarni solishtirdi.
O‘tgan mavsumda parijliklar finalda «Inter»ni yirik hisobda (5:0) taslim etgan bo‘lsa, bu safar «Arsenal»ga qarshi kechgan bahs ancha murakkab tus oldi: asosiy va qo‘shimcha bo‘limlardan keyin hisob 1:1 bo‘lib qoldi va Luis Enrike shogirdlari faqat penaltilar seriyasidagina g‘alabani ilib ketishdi.
«Chempionlar ligasidagi birinchi g‘alaba juda hissiyotlarga boy bo‘lgan edi. Hozirgi hissiyotlar ham ajoyib, ammo bu mavsumdagi muvaffaqiyat bizga o‘tgan safargidan ko‘ra ancha qiyinroq kechdi», — deya braziliyalik himoyachining so‘zlaridan iqtibos keltiradi L'Equipe.
