«Bavariya» vingeri Maykl Olise futbolchilar o‘rtasida o‘tkazilgan so‘rovnoma natijalariga ko‘ra Bundesligada mavsumning eng yaxshi o‘yinchisi deb topildi.
Kicker nashri an’anaga ko‘ra mavsum yakunida eng yaxshilarni aniqlash maqsadida Germaniya chempionatining 199 nafar futbolchisi o‘rtasida so‘rovnoma o‘tkazdi.
Olise ovozlarning 40,7 foizini qo‘lga kiritdi. Kuchli uchlikdan «RB Leypsig» a’zosi Yan Diomande (15,1%) va «Gamburg» himoyachisi Luka Vushkovich (11,1%) joy oldi.
Bundesliganing joriy mavsumdagi eng yaxshi to‘purari bo‘lgan Xarri Keyn esa 10,1% ovoz bilan so‘rovnomada to‘rtinchi o‘rinni egalladi.
