«Бавария» вингери Майкл Олисе футболчилар ўртасида ўтказилган сўровнома натижаларига кўра Бундеслигада мавсумнинг энг яхши ўйинчиси деб топилди.

Kicker нашри анъанага кўра мавсум якунида энг яхшиларни аниқлаш мақсадида Германия чемпионатининг 199 нафар футболчиси ўртасида сўровнома ўтказди.

Олисе овозларнинг 40,7 фоизини қўлга киритди. Кучли учликдан «РБ Лейпциг» аъзоси Ян Диоманде (15,1%) ва «Гамбург» ҳимоячиси Лука Вушкович (11,1%) жой олди.

Бундеслиганинг жорий мавсумдаги энг яхши тўпурари бўлган Харри Кейн эса 10,1% овоз билан сўровномада тўртинчи ўринни эгаллади.