«Arsenal» Chempionlar ligasi finalida «PSJ»ga penaltilar seriyasida imkoniyatni boy berdi.

O‘yindan so‘ng «Manchester Yunayted»ning sobiq bosh murabbiyi Aleks Fergyuson Parij klubi prezidenti Nosir Al-Xelayfiyga xat yo‘lladi.

L’Equipe nashri Fergyusonning xatidan quyidagi iqtibosni keltirgan edi: «Nosir, bu Aleks Fergyuson. Tabriklayman, bu siz uchun og‘ir kechgan kecha bo‘ldi. Ammo siz faqat himoyalangan «zerikarli» jamoaga qarshi o‘ynadingiz. Ta’tildan zavqlaning, bunga loyiqsiz».

Biroq, jurnalist Ben Jeykobs Aleks Fergyuson «Arsenal»ga nisbatan «zerikarli» so‘zini ishlatmaganini ma’lum qildi. Jeykobsning so‘zlariga ko‘ra, Fergyuson xatda shunday yozgan: «Siz futbol o‘ynagan jamoa edingiz».