«Арсенал» Чемпионлар лигаси финалида «ПСЖ»га пенальтилар сериясида имкониятни бой берди.

Ўйиндан сўнг «Манчестер Юнайтед»нинг собиқ бош мураббийи Алекс Фергюсон Париж клуби президенти Носир Ал-Хелайфийга хат йўллади.

L’Equipe нашри Фергюсоннинг хатидан қуйидаги иқтибосни келтирган эди: «Носир, бу Алекс Фергюсон. Табриклайман, бу сиз учун оғир кечган кеча бўлди. Аммо сиз фақат ҳимояланган «зерикарли» жамоага қарши ўйнадингиз. Таътилдан завқланинг, бунга лойиқсиз».

Бироқ, журналист Бен Жейкобс Алекс Фергюсон «Арсенал»га нисбатан «зерикарли» сўзини ишлатмаганини маълум қилди. Жейкобснинг сўзларига кўра, Фергюсон хатда шундай ёзган: «Сиз футбол ўйнаган жамоа эдингиз».