Sharlotta shahrida bo‘lib o‘tgan o‘rtoqlik o‘yinida AQSH terma jamoasi Senegal ustidan 3:2 hisobida g‘alaba qozondi.
Maydon egalari safida himoyachi Serjinyo Dest (7-daqiqa), yarim himoyachi Kristian Pulishich (20-daqiqa) va hujumchi Folarin Balogun (63-daqiqa) gol muallifiga aylanishdi. Mehmonlardan esa hujumchi Sadio Mane dubl qayd etdi (44 va 52-daqiqalar).
49-daqiqada VAR aralashuvidan so‘ng Balogunning goli ofsayd sababli inobatga olinmadi.
JCH-2026 final bosqichi guruh bosqichida AQSH terma jamoasi Paragvay, Avstraliya va Turkiya bilan kuch sinashadi. Senegal esa Fransiya, Iroq va Norvegiya jamoalariga qarshi maydonga tushadi.













