Fransiya prezidenti Emmanuel Makron «PSJ» klubiga Luis Enrikening bosh murabbiy etib tayinlanishini tanqid qilgan mutaxassislarni eslab o‘tdi.
«Luis Enrike kelgan paytda hammasi dahshatli bo‘lishini aytgan futbol ekspertlarini unutganim yo‘q. Kecha biz ajoyib «dirijyorlik» qilgan murabbiyni ko‘rdik. Bravo, unga qoyil qolaman», — deya Makronning so‘zlarini keltirdi Foot Mercato.
Luis Enrike 2023 yilning yozida «PSJ» bosh murabbiyi etib tayinlangan edi. Ispaniyalik mutaxassis qo‘l ostida Parij jamoasi 12 ta sovrinni qo‘lga kiritdi, xususan, ikki bor Chempionlar Ligasi g‘olibiga aylandi.
Eslatib o‘tamiz, shanba kuni bo‘lib o‘tgan Chempionlar Ligasi finalida «PSJ» «Arsenal» bilan 1:1 hisobida durang o‘ynab, penaltilar seriyasida g‘alaba qozondi.
