Germaniya terma jamoasi bosh murabbiyi Yulian Nagelsmann Finlyandiya bilan kechgan o‘rtoqlik o‘yinidagi g‘alabaga to‘xtalib o‘tdi. «Bundestim» tarkibida Deniz Undav dubl qayd etgan bo‘lsa, Florian Virs va Jamal Musiala bittadan gol urishdi.
«Yigitlar o‘yin rejasini a’lo darajada amalga oshirishdi. Biz bahsni juda yaxshi boshladik — dastlabki 15 daqiqa ajoyib o‘tdi. Ikkinchi bo‘limda ba’zi vaziyatlarda chuqurroq himoyalanishga majbur bo‘ldik, ammo qarshi hujumda gol urdik, bu esa quvonarli hol. Yaxshi natija, darvozamizdan to‘p olib chiqmadik. Shu ruhda davom etishimiz kerak», — deya Nagelsmannning so‘zlarini keltirdi Bayern & Germany.
6 iyun kuni Germaniya AQSH terma jamoasi bilan o‘rtoqlik uchrashuvi o‘tkazadi. 14 iyun kuni esa JCH-2026 guruh bosqichining ilk turida Kyurasao jamoasiga qarshi maydonga tushadi.
