Германия терма жамоаси бош мураббийи Юлиан Нагельсманн Финляндия билан кечган ўртоқлик ўйинидаги ғалабага тўхталиб ўтди. «Бундестим» таркибида Дениз Ундав дубль қайд этган бўлса, Флориан Вирц ва Жамал Мусиала биттадан гол уришди.
«Йигитлар ўйин режасини аъло даражада амалга оширишди. Биз баҳсни жуда яхши бошладик — дастлабки 15 дақиқа ажойиб ўтди. Иккинчи бўлимда баъзи вазиятларда чуқурроқ ҳимояланишга мажбур бўлдик, аммо қарши ҳужумда гол урдик, бу эса қувонарли ҳол. Яхши натижа, дарвозамиздан тўп олиб чиқмадик. Шу руҳда давом этишимиз керак», — дея Нагельсманннинг сўзларини келтирди Bayern & Germany.
6 июнь куни Германия АҚШ терма жамоаси билан ўртоқлик учрашуви ўтказади. 14 июнь куни эса ЖЧ-2026 гуруҳ босқичининг илк турида Кюрасао жамоасига қарши майдонга тушади.
