«Shtutgart» klubi o‘z rasmiy sayti orqali hujumchisi bilan shartnoma uzaytirilganini e’lon qildi. Deniz Undav 2029 yilning o‘rtalariga qadar mo‘ljallangan va yana bir mavsumga uzaytirish imkoniyatiga ega yangi shartnomaga imzo chekdi.
Bir kun avval, bahorning so‘nggi oqshomida Undav Germaniya terma jamoasi safida Finlyandiyaga qarshi o‘rtoqlik uchrashuvida maydonga tushdi. «Bundestim» 4:0 hisobida g‘alaba qozondi, Undav esa dubl va bitta golli uzatma muallifiga aylandi.
2025/2026 yilgi klub mavsumida Deniz Undav 46 ta uchrashuvda maydonga tushib, 25 ta gol urdi va 14 ta golli uzatmani amalga oshirdi. Eslatib o‘tamiz, «Shtutgart» Bundesligada to‘rtinchi o‘rinni egallab, Chempionlar ligasi yo‘llanmasini qo‘lga kiritdi.
