Arne Slot «Liverpul» bosh murabbiyi lavozimidan ozod etildi. Mersisaydliklar klubi jamoaning 2025/2026 yilgi mavsumdagi qoniqarsiz natijalaridan so‘ng niderlandiyalik mutaxassis bilan xayrlashishga qaror qildi.
«Indykaila News» xabariga ko‘ra, Yurgen Klopp «Liverpul»dan ishdan bo‘shatilganidan so‘ng Arne Slotni ma’nan qo‘llab-quvvatlash uchun u bilan bog‘lanadi. Klopp 2015-2024 yillarda «Liverpul»ni boshqargan, so‘ngra uning o‘rnini Slot egallagandi. Niderlandiyalik murabbiy bilan o‘tkazilgan ilk mavsumda «qizillar» Angliya chempionligini qo‘lga kiritgan bo‘lsa, ikkinchi mavsumni jamoa Premyer-liga jadvalida atigi beshinchi o‘rinda yakunladi. «Liverpul»ni endi Andoni Iraola boshqarishi kutilmoqda.
