«Fenerbaxche»ning sobiq bosh murabbiyi Domeniko Tedesko «Bolonya»ning yangi ustoziga aylandi. Bu haqda Italiya klubi matbuot xizmati xabar bermoqda.

40 yoshli mutaxassis «Bolonya» bilan 2028 yilning iyun oyiga qadar mo‘ljallangan mehnat shartnomasini imzoladi, unda shartnomani yana bir mavsumga uzaytirish imkoniyati ham ko‘zda tutilgan.

O‘tgan mavsum yakunlariga ko‘ra, «Bolonya» A Seriya musobaqasini sakkizinchi o‘rinda yakunlab, yevrokuboklarga chiqa olmagan edi. «Qizil-ko‘klar» 38 ta turda 56 ochko jamg‘arib, yevrokuboklar zonasidan uch ochko ortda qoldi.

Tedesko avvalroq «Fenerbaxche», Belgiya terma jamoasi, «RB Leypsig», «Spartak» va boshqa klublarda ishlagan.