«Фенербахче»нинг собиқ бош мураббийи Доменико Тедеско «Болонья»нинг янги устозига айланди. Бу ҳақда Италия клуби матбуот хизмати хабар бермоқда.

40 ёшли мутахассис «Болонья» билан 2028 йилнинг июнь ойига қадар мўлжалланган меҳнат шартномасини имзолади, унда шартномани яна бир мавсумга узайтириш имконияти ҳам кўзда тутилган.

Ўтган мавсум якунларига кўра, «Болонья» А Серия мусобақасини саккизинчи ўринда якунлаб, еврокубокларга чиқа олмаган эди. «Қизил-кўклар» 38 та турда 56 очко жамғариб, еврокубоклар зонасидан уч очко ортда қолди.

Тедеско аввалроқ «Фенербахче», Бельгия терма жамоаси, «РБ Лейпциг», «Спартак» ва бошқа клубларда ишлаган.