«Shalke» darvozaboni Loris Karius yaqin orada Germaniya klubi bilan shartnomasini uzaytirishi mumkin. Bu haqda Sky Sport Germany nashri xabar bermoqda. Tomonlar muzokaralarning yakuniy bosqichida bo‘lib, yangi bitimning so‘nggi tafsilotlarini muhokama qilishmoqda.

Ta’kidlanishicha, darvozabonning o‘zi xorijdan kelgan takliflarga qaramay, faoliyatini Gelzenkirxenda davom ettirishdan manfaatdor. Yangi shartnoma moliyaviy shartlarning yaxshilanishini ko‘zda tutadi. Kelishuv imzolangan taqdirda, Karius jamoaning eng ko‘p maosh oluvchi futbolchilaridan biriga aylanadi.

31 yoshli darvozabon «Shalke» safiga 2025 yilning yanvarida kelib qo‘shilgan edi. Yakunlangan mavsumda u Ikkinchi Bundesligada 30 ta o‘yinda maydonga tushib, o‘z darvozasidan 24 ta gol o‘tkazib yubordi.