«Napoli» «Shtutgart» himoyachisi Maksimilian Mittelshtedtning atrofidagi vaziyatni diqqat bilan kuzatmoqda. Futbolchining klub bilan amaldagi shartnomasi 2028 yilgacha mo‘ljallangan. Bu haqda TMW xabar bermoqda.

Germaniya klubi rahbariyati o‘yinchini taxminan 15 million yevroga baholamoqda. Ta’kidlanishicha, agar Matias Olivera jamoadan ketsa, Mittelshtedt neapolitanliklarning chap qanot himoyasini kuchaytirish uchun munosib nomzod bo‘lishi mumkin.

Yaqinda yakunlangan mavsumda 28 yoshli Mittelshtedt «Shtutgart»ning eng yaxshi o‘yinchilaridan biri bo‘ldi. U barcha turnirlarda 50 ta o‘yinda maydonga tushib, 7 ta gol urdi va 6 ta golli uzatmani amalga oshirdi. «Shtutgart»ning Bundesligadagi ajoyib mavsumiga (uchinchi o‘rin) qaramay, Germaniya terma jamoasi bosh murabbiyi Yulian Nagelsmann Mittelshtedtni jahon chempionati uchun qaydnomaga kiritmaslikka qaror qildi. Avvalroq futbolchi terma jamoa safida uyda o‘tgan Yevropa chempionatida ishtirok etgan edi.