«Наполи» «Штутгарт» ҳимоячиси Максимилиан Миттельштедтнинг атрофидаги вазиятни диққат билан кузатмоқда. Футболчининг клуб билан амалдаги шартномаси 2028 йилгача мўлжалланган. Бу ҳақда TMW хабар бермоқда.

Германия клуби раҳбарияти ўйинчини тахминан 15 миллион еврога баҳоламоқда. Таъкидланишича, агар Матиас Оливера жамоадан кетса, Миттельштедт неаполитанликларнинг чап қанот ҳимоясини кучайтириш учун муносиб номзод бўлиши мумкин.

Яқинда якунланган мавсумда 28 ёшли Миттельштедт «Штутгарт»нинг энг яхши ўйинчиларидан бири бўлди. У барча турнирларда 50 та ўйинда майдонга тушиб, 7 та гол урди ва 6 та голли узатмани амалга оширди. «Штутгарт»нинг Бундеслигадаги ажойиб мавсумига (учинчи ўрин) қарамай, Германия терма жамоаси бош мураббийи Юлиан Нагельсманн Миттельштедтни жаҳон чемпионати учун қайдномага киритмасликка қарор қилди. Аввалроқ футболчи терма жамоа сафида уйда ўтган Европа чемпионатида иштирок этган эди.