«Yuventus» Londonning «Arsenal» klubi hujumchisi Gabriel Jezusni o‘z safiga qo‘shib olish imkoniyatini ko‘rib chiqmoqda. «Kanonirlar» shartnoma muddati bir yildan so‘ng yakunlanishiga qaramay, braziliyalik futbolchini sotishga majbur emas, biroq «munosib» takliflarni mamnuniyat bilan o‘rganib chiqadi.

Jurnalist Nikolo Skiraning ma’lumotiga ko‘ra, «Yuventus» vaziyatni kuzatib bormoqda. Agar London klubi yangi hujumchi sotib olsa, 29 yoshli braziliyalikning jamoadan ketish ehtimoli ortishi mumkin.

«Transfermarkt» portali Gabriel Jezusning narxini 17 million yevroga baholamoqda. O‘tgan mavsumda futbolchi Mikel Arteta jamoasi safida 27 ta o‘yinda maydonga tushib, oltita gol urgan va ikkita golli uzatmani amalga oshirgan.