«Ювентус» Лондоннинг «Арсенал» клуби ҳужумчиси Габриэль Жезусни ўз сафига қўшиб олиш имкониятини кўриб чиқмоқда. «Канонирлар» шартнома муддати бир йилдан сўнг якунланишига қарамай, бразилиялик футболчини сотишга мажбур эмас, бироқ «муносиб» таклифларни мамнуният билан ўрганиб чиқади.
Журналист Николо Скиранинг маълумотига кўра, «Ювентус» вазиятни кузатиб бормоқда. Агар Лондон клуби янги ҳужумчи сотиб олса, 29 ёшли бразилияликнинг жамоадан кетиш эҳтимоли ортиши мумкин.
«Transfermarkt» портали Габриэль Жезуснинг нархини 17 миллион еврога баҳоламоқда. Ўтган мавсумда футболчи Микель Артета жамоаси сафида 27 та ўйинда майдонга тушиб, олтита гол урган ва иккита голли узатмани амалга оширган.
