«Gerta» yarim himoyachisi Kennet Ayxxorn faoliyatini «Liverpul»da davom ettirishi mumkin. «Sky Sport Germany» bergan ma’lumotlarga ko‘ra, ingliz klubi 16 yoshli futbolchining transferi ustida faol ish olib bormoqda va so‘nggi kunlarda ehtimoliy kelishuv bo‘yicha muzokaralarning navbatdagi raundini o‘tkazdi.

Ta’kidlanishicha, ushbu iqtidorli yarim himoyachiga Bundesliganing ko‘plab klublari va Yevropa grandlari da’vogarlik qilmoqda, biroq ayni paytda aynan «Liverpul» eng katta faollikni ko‘rsatmoqda.

Xabar qilinishicha, Ayxxornning o‘zi hali uzil-kesil bir qarorga kelmagan, ammo yaqin orada o‘z kelajagini belgilab olishi kerak. Qo‘shimcha qilish joizki, 16 yoshli futbolchining transfer qiymati 20 million yevroga baholanmoqda.