«Герта» ярим ҳимоячиси Кеннет Айххорн фаолиятини «Ливерпуль»да давом эттириши мумкин. «Sky Sport Germany» берган маълумотларга кўра, инглиз клуби 16 ёшли футболчининг трансфери устида фаол иш олиб бормоқда ва сўнгги кунларда эҳтимолий келишув бўйича музокараларнинг навбатдаги раундини ўтказди.
Таъкидланишича, ушбу иқтидорли ярим ҳимоячига Бундеслиганинг кўплаб клублари ва Европа грандлари даъвогарлик қилмоқда, бироқ айни пайтда айнан «Ливерпуль» энг катта фаолликни кўрсатмоқда.
Хабар қилинишича, Айххорннинг ўзи ҳали узил-кесил бир қарорга келмаган, аммо яқин орада ўз келажагини белгилаб олиши керак. Қўшимча қилиш жоизки, 16 ёшли футболчининг трансфер қиймати 20 миллион еврога баҳоланмоқда.
