May oyida «Lill» klubini tark etgan fransiyalik mutaxassis Bruno Jenezyo shaxsiy sabablarga ko‘ra Liga 1 da qoladigan bo‘ldi, deb xabar bermoqda RMC Sport.

Manbaning bergan ma’lumotiga ko‘ra, 59 yoshli fransuz «Marsel» bilan ikki yillik shartnoma imzolaydi. Shuningdek, bitimda shartnomani yana bir yilga uzaytirish imkoniyati ham ko‘zda tutiladi. U yangi jamoaga o‘zining murabbiylar shtabi bilan birgalikda tashrif buyuradi.

2025/26 yilgi mavsumda «provansaliklar»ni Roberto De Dzerbi va Abib Beye boshqardi. Jamoa Liga 1 turnir jadvalida 5-o‘rinni egallab, Yevropa Ligasi yo‘llanmasini qo‘lga kiritdi.

Bunga qadar Jenezyo «Renn», «Beyszin Goan», «Lion», «Rasing Bezanson» va «Vilfransh» klublarida bosh murabbiy sifatida faoliyat yuritgan.