Май ойида «Лилль» клубини тарк этган франциялик мутахассис Бруно Женезьо шахсий сабабларга кўра Лига 1 да қоладиган бўлди, деб хабар бермоқда RMC Sport.

Манбанинг берган маълумотига кўра, 59 ёшли француз «Марсель» билан икки йиллик шартнома имзолайди. Шунингдек, битимда шартномани яна бир йилга узайтириш имконияти ҳам кўзда тутилади. У янги жамоага ўзининг мураббийлар штаби билан биргаликда ташриф буюради.

2025/26 йилги мавсумда «провансаликлар»ни Роберто Де Дзерби ва Абиб Бейе бошқарди. Жамоа Лига 1 турнир жадвалида 5-ўринни эгаллаб, Европа Лигаси йўлланмасини қўлга киритди.

Бунга қадар Женезьо «Ренн», «Бэйцзин Гоань», «Лион», «Расинг Безансон» ва «Вильфранш» клубларида бош мураббий сифатида фаолият юритган.