O‘zbekiston milliy terma jamoasi bosh murabbiyi Fabio Kannavaro o‘z Instagram sahifasida mundialga tayyorgarlik haqida post joyladi.
"Biz buni his qilib turibmiz. Tobora yaqinlashib kelayotgan ilk jahon chempionatimiz uchun tinimsiz mehnat qilyapmiz.
Kanadaga qarshi kechgan o‘rtoqlik uchrashuvida (0:2) mag‘lubiyatga uchragan bo‘lsak-da, munosib qarshilik ko‘rsatdik va ko‘plab golli vaziyatlar yaratdik. Faqat ulardan unumli foydalana olmadik, xolos. Endi bizni o‘z imkoniyatlarimizni, xususan, ayni damda qaysi bosqichda turganimizni bilib olishga yordam beradigan navbatdagi jiddiy sinov kutmoqda.
Dushanba kuni Niderlandiyaga qarshi maydonga tushamiz va eng yuqori darajadagi futbolchilarga qarshi o‘z kuchimizni sinovdan o‘tkazamiz. Buyuk orzular aynan mana shunday quriladi: kichik qadamlar bilan bosqichma-bosqich ilgarilab boriladi", - deb yozgan italiyalik mutaxassis.













