«Tottenxem» «Liverpul» bilan shartnomasi yakuniga yetgach, klubni tark etgan himoyachi Endryu Robertson bilan shartnoma imzolaganini rasman e’lon qildi. 32 yoshli shotlandiyalik futbolchi 1 iyul kuni erkin agent maqomida «shporlar» safiga borib qo‘shiladi.
Klub rahbariyati futbolchining boy tajribasi, yetakchilik fazilatlari va ulkan yutuqlarini alohida e’tirof etib, u jamoaning yuqori natijalar uchun kurashida katta yordam berishiga ishonch bildirdi.
Robertson 2017 yildan buyon «Liverpul» sharafini himoya qilib kelayotgan edi va mersisaydliklar tarkibida to‘qqiz mavsumni o‘tkazdi. Bu vaqt ichida himoyachi barcha turnirlarda deyarli 300 ta uchrashuvda maydonga tushib, Chempionlar Ligasi, APLning ikkita chempionlik tituli, Angliya Kubogi, ikki bor Angliya Liga Kubogi, UYEFA Superkubogi va klublar o‘rtasidagi jahon chempionatida g‘olib chiqqan.
