«Betis» vingeri Antoni ilgari «Manchester Yunayted»da birga to‘p surgan sobiq jamoadoshi Krishtianu Ronaldu haqida fikr bildirdi.

«Krishtianu Ronaldu — ajoyib inson, juda quvnoq va xushmuomala. U menga: «Qaysi kuni ichingda hayajonni his qilmay qo‘ysang, o‘shanda ehtiyot bo‘lishing kerak», — degan edi. «Arsenal»ga qarshi debyut o‘yinimdan oldin u meni tinchlantirib, dastlabki teginishlarimni xotirjam amalga oshirishimni, qolgan hamma narsani esa undan oldin ham juda yaxshi uddalay olganimni aytgandi», — deya Antonining so‘zlaridan iqtibos keltiradi Goal portali Podpah podkastiga tayanib.

Ma’lumki, Krishtianu Ronaldu hozirda Saudiya Arabistoni chempionatida «Al-Nasr» sharafini himoya qilmoqda.