Madridning «Atletiko» klubi hujumchisi Xulian Alvares, ko‘plab mish-mishlarga qaramay, jamoada qolishi mumkin. Argentinalik futbolchi «Barselona»ga o‘tishdan mamnun bo‘lardi, biroq u «matraschilar» rahbariyati bilan ochiqchasiga mojaroga borishni va transferni faol ravishda talab qilishni istamayapti, deb xabar bermoqda Cadena SER.
Futbolchining transferi ustida ishlayotgan vositachilar (agentlar) vaziyat murakkablashganini tan olishmoqda va hujumchining kamida yana bir yil «Atletiko»da qolishi ehtimoli yuqori ekanligini ta’kidlashmoqda. Alvaresning transferiga Londonning «Arsenal» klubi ham qiziqish bildirmoqda, biroq 26 yoshli futbolchi Angliyaga qaytishni xohlamayapti.
