Мадриднинг «Атлетико» клуби ҳужумчиси Хулиан Альварес, кўплаб миш-мишларга қарамай, жамоада қолиши мумкин. Аргентиналик футболчи «Барселона»га ўтишдан мамнун бўларди, бироқ у «матрасчилар» раҳбарияти билан очиқчасига можарога боришни ва трансферни фаол равишда талаб қилишни истамаяпти, деб хабар бермоқда Cadena SER.
Футболчининг трансфери устида ишлаётган воситачилар (агентлар) вазият мураккаблашганини тан олишмоқда ва ҳужумчининг камида яна бир йил «Атлетико»да қолиши эҳтимоли юқори эканлигини таъкидлашмоқда. Альвареснинг трансферига Лондоннинг «Арсенал» клуби ҳам қизиқиш билдирмоқда, бироқ 26 ёшли футболчи Англияга қайтишни хоҳламаяпти.
