Milanning «Inter» klubi prezidenti Juzeppe Marotta klubning transfer rejalariga oid ma’lumotlar bilan o‘rtoqlashdi. Yaqin orada «neradzurrilar» safini o‘ng qanot laterali Denzel Dyumfris tark etadi — u Madridning «Real» klubi taklifiga rozilik berib bo‘lgan. Tajribali niderlandiyalik futbolchining o‘rnini esa «Atalanta»ning 21 yoshli a’zosi Marko Palestra egallashi kutilmoqda.

«Palestra — katta iqtidor egasi, biroq u «Atalanta»ga tegishli. Men uning muvaffaqiyatlaridan xursandman, chunki bu butun Italiya futboli uchun foydali. Uni bizga o‘tishi haqidagi gap-so‘zlar bir oz bo‘rttirib yuborilgan. Dyumfrisning «Real»ga o‘tishga yaqin turgani va ular bir xil pozisiyada o‘ynashi ayni haqiqat, ammo Palestra transferi bo‘yicha ishlar hali boshlang‘ich bosqichda turibdi», — deya TMW nashri Marottaning so‘zlarini keltiradi.

Eslatib o‘tamiz, Marko Palestra yakunlangan mavsumni ijara asosida «Kalyari» klubida o‘tkazgan edi.