Миланнинг «Интер» клуби президенти Жузеппе Маротта клубнинг трансфер режаларига оид маълумотлар билан ўртоқлашди. Яқин орада «нерадзуррилар» сафини ўнг қанот латерали Дензел Дюмфрис тарк этади — у Мадриднинг «Реал» клуби таклифига розилик бериб бўлган. Тажрибали нидерландиялик футболчининг ўрнини эса «Аталанта»нинг 21 ёшли аъзоси Марко Палестра эгаллаши кутилмоқда.

«Палестра — катта иқтидор эгаси, бироқ у «Аталанта»га тегишли. Мен унинг муваффақиятларидан хурсандман, чунки бу бутун Италия футболи учун фойдали. Уни бизга ўтиши ҳақидаги гап-сўзлар бир оз бўрттириб юборилган. Дюмфриснинг «Реал»га ўтишга яқин тургани ва улар бир хил позицияда ўйнаши айни ҳақиқат, аммо Палестра трансфери бўйича ишлар ҳали бошланғич босқичда турибди», — дея TMW нашри Мароттанинг сўзларини келтиради.

Эслатиб ўтамиз, Марко Палестра якунланган мавсумни ижара асосида «Кальяри» клубида ўтказган эди.