Madridning «Real» klubi va Fransiya terma jamoasi hujumchisi Kilian Mbappe markaziy himoyachi Virjil van Deyk haqidagi fikrlari bilan o‘rtoqlashdi. 27 yoshli forvard «Liverpul» va Niderlandiya terma jamoasi sardoriga qarshi bahslarga doimo alohida ishtiyoq bilan yondashganini tan oldi.

«Uch-to‘rt yil oldin maydonda Van Deykka qarshi o‘ynash menga juda yoqardi, chunki u o‘z pozisiyasida dunyoning eng yaxshi himoyachisi degan nomga ega edi — va bu haqiqatan ham shunday edi. U haqiqiy mahluq edi», — deya The Touchline nashri Mbappening so‘zlarini keltiradi.

Eslatib o‘tamiz, 8 iyun kuni fransuzlar Shimoliy Irlandiyaga qarshi o‘rtoqlik uchrashuvida maydonga tushishadi, 16 iyun kuni esa JCH-2026 guruh bosqichining 1-turi doirasida Senegal terma jamoasi bilan to‘qna kelishadi.