Italiya poytaxti Rim mezbonlik qilayotgan xalqaro Gran-pri turnirining ikkinchi kunida O‘zbekiston terma jamoasi dastlabki medaliga ega chiqdi. Jamoamizning -68 kg vazn toifasidagi vakili Najmiddin Qosimxo‘jayev musobaqaning yarim final bosqichiga qadar yetib keldi.
Final yo‘lidagi jangda Najmiddinga Rossiya vakili Amir Vikov raqiblik qildi. Shiddatli bahsda rossiyalik sportchining qo‘li baland keldi.
Shunday bo‘lsa-da, iste’dodli sportchimiz Najmiddin Qosimxo‘jayev G6 kategoriyasidagi nufuzli va muhim reyting turnirining bronza medaliga mualliflik qildi.













