Argentina terma jamoasi bosh murabbiyi Lionel Skaloni jamoa tarkibida o‘zgarishlar bo‘lishi mumkinligini ma’lum qildi. «Albiseleste» o‘rtoqlik uchrashuvida Gondurasni mag‘lub etdi (2:0). Jarohatdan so‘ng hali optimal sport formasiga kirib ulgurmagan Lionel Messi, Xulian Alvares va Nikolas Pas ushbu bahsda maydonga tushishmadi.

«Tarkibimiz hali 100 foizga aniqlab bo‘linmagan. Ehtimol, yana bitta o‘zgarish kiritarmiz. Niko Pas tayyor edi va bugun o‘ynashi ham mumkin edi, Alvares borasida ham hech qanday xavotir yo‘q. Ularning holati yaxshi. Tarkibga yana kimni qo‘shishimiz mumkinligi borasida hali bir qarorga kelmadik. Xavotirga o‘rin yo‘q, biroq hamma futbolchilarimiz ham ideal holatda emas — ayrimlari hali to‘liq tiklanib ulgurmadi. Oldinda yana bir o‘rtoqlik uchrashuvi bor, vaziyatni baholaymiz. Yakuniy qarorni qabul qilishga shoshilmaymiz — seshanbagacha kutamiz», — dedi Skaloni matbuot anjumanida.

10 iyun kuni amaldagi jahon chempionlari Islandiyaga qarshi o‘rtoqlik uchrashuvida maydonga tushishadi.