«Manchester Siti»ning belgiyalik vingeri Jeremi Doku yaqin orada klub bilan yangi mehnat shartnomasini imzolaydi. Bu haqda insayder Nikolo Skira xabar bermoqda.

Manbaning ma’lumotiga ko‘ra, 24 yoshli futbolchi shartnomani uzaytirishga juda yaqin turibdi. Yangi bitim 2031 yilga qadar amal qilishi ko‘zda tutilgan. Qayd etilishicha, shartnomada Dokuning maoshi oshirilishi ham ko‘zda tutilgan.

2025/26 yilgi mavsumda Doku barcha turnirlarni hisobga olgan holda 47 ta uchrashuvda maydonga tushib, 8 ta gol urdi va 14 ta golli uzatmani amalga oshirdi. Hujumchining ingliz grandi bilan amaldagi shartnomasi 2028 yilning o‘rtalarida yakuniga yetadi. Transfermarkt mutaxassislari futbolchini 75 million yevroga baholamoqda.